زیر نظر کتا ب ڈاکٹر رفیع ازہر ان کا پی۔ ایچ۔ ڈی کا تحقیقی مقالہ ہے۔ اس میں ڈاکٹر جمیل جالبی کے تنقیدی اور تخلیقی پہلؤں کو اجاگر کرتے ہوئے نہایت جامع اور مختصر انداز میں پیش کیا گیا ہے ان کا یہ کام ڈاکٹر جمیل جالبی کے تنقیدی رویوں کا تخلیقی امتزاج کے نظر یئے  کو معرض تصانیف میں لانے کے لیے مددگار ثابت ہوگا اور اس بات کو ثابت کریگا کہ ڈاکٹر جمیل جالبی کی تنقیدات دراصل تحقیق میں بھی ایک تخلیقی رنگ و آہنگ پیدا کرتی ہیں یعنی وہ تنقید اور تحقیق کا تخلیقی امتراج ہیں۔ اس تصنیف میں مصنف ڈاکٹر جمیل جالبی کی متنوع تنقیدی اور فکری جہات کی فہرست بنائی ہے اس کے بعد ان موضوعات کے حوالے سے مواد کی تحقیق کی گئی اور اس کا آغاز تمہید اور اس میں جہاں ضرورت پڑی وہاں ادیبوں اور ناقدین کی آرا کو شامل کیا ہے اور آخر میں تمام بحث کا خلاصہ نتائج کی شکل میں کر دیا ہے یہ کتاب مصنف کی علمی و تحقیقی بصیرت کا منہ بولتا ثبوت ہے اور نئے محقیقین کے لیے بہترین رہنما ہے تحقیقی کتب خانوں میں اس بہت استفادہ کیا جا سکتا ہے کتاب کا سرورق خوبصورت رنگین اور ڈاکٹر جمیل جالبی کی تصویر سے مزین ہے ،صفحات عمدہ کاغذ اور تحریر نستعلیق پر مشتمل ہے